Цæгат Ирыстоны сæргълæууæг Битарты Вячеслав сбæрæг кодта тагъд æххуысы клиникон рынчындоны цæттæдзин

Республикæйы сæргълæууæг Битарты Вячеслав сбæрæг кодта Тагъд æххуысы клиникон рынчындоны цæттæдзинад коронавирусимæ тох кæныны рæстæг. Цæгат Ирыстоны дзæбæхгæнæн-профилактикон уагдон æппæт хъæугæ медицинон кусæнгæрзтæй дæр ифтонггонд у вирусæй рынчынтæн баххуыс кæнынмæ. Уый тыххæй фехъусын кодта Æнæниздзинад хъахъхъæныны министр Годжыцаты Тамерлан. Профилон разамонæг куыд бафиппайдта, афтæмæй хъæугæ специалисттæ нысангонд æрцыдысты. Уыдон диагностикæйы процедурæтæ æмæ дзæбæхгæнæн мадзæлттæй рынчынтæм фæкæсынмæ сты цæттæ. Республикæйы сæргълæууæг æрфарста медицинон хосты тыххæй дæр. Федта дзæбæхгæнæндоны хайæдтæ. Ныртæккæ гастроэнтеролОги æмæ гинекологийы хайæдты цæуынц цалцæггæнæн куыстытæ. Хъæугæ кусæнгæрзтæй ифтоггонд куы ’рцæуой, уæд уыдон дæр пациентты исынмæ уыдзысты цæттæ. Республикæйы разамонæг ма бабæрæг кодта горæты афтектæй иу. Уымы уавæрмæ æркаст æмæ сбæлвырд кодта, хъæугæ хостæ ис æви нæ,уый. Афтекы кусджытæ куыд бафиппайдтой, афтæмæй фæстаг дыууæ боны æлхæнджыты нымæцыл бафтыд. Хостæй цух не ’ййафынц, фæлæ медицинон маскæтæ уæййаг нæй. Æргътыл нæ бафтыдтой. Уæ зæрдыл уын æрлæууын кæндзыстæм, Битарты Вячеслав бафыста карздæр цæттæдзинады уынаффæ. Йæ сæйраг нысан - Цæгат Ирыстонмæ коронавирусы инфекци ма руадзын. Сæрмагонд гæххæтмæ гæсгæ, республикæмæ фæсарæнтæй цы цæрджытæ ссыдысты, уыдон хъуамæ сæрмагонд информаци фехъусын кæной телефоны номырмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv