Равдыст-форум «Россия»-йы йæ тæмæны бацыд Цæгат Ирыстоны бон
Абон равдыст-форум «Уæрæсе»-йы у Цæгат Ирыстон - Аланийы бон. ВДНХ-йы фæзуатыл нæ республикæйы минæвæрттæ сараздзысты дæсгай мадзæлттæ. Сæ фæрцы уыдзæн нæ культурæ, æгъдæуттæ, æнтыстытæ æмæ райрæзты гæнæнты тыххæй базонæн. Ирддæр цаутæй иу – республикæйы презентаци. Райдыдта регионы разамонæг Сергей Меняйлойы раныхасæй. Йæ фæлгæты сæ курдиат равдисдзысты нæ раззагдæр сфæлдыстадон къордтæ æмæ зарæггæнджытæ. Уазджытæм æнхъæлмæ кæсы виртуалон балц Ирыстонмæ, стæй дæсныйадæвдисæн ахуыртæ. Бынаты рамбулæн ис Цæгат Ирыстонмæ туристон балц æгас бинонтæн. Уæдæ ирон чындзæхсæвы æгъдæуттæ дæр базондзысты нæ презентацийы уазджытæ. Уæ зæрдыл уын æрлæууын кæндзыстæм, форум «Уæрæсе» райдыдта 4-æм ноябры. Архайынц дзы бæстæйы æппæт субъекттæ, æххæстгæнæн хицауады федералон оргæнтæ, егъау корпорацитæ, æхсæнадон организацитæ æмæ фæсарæйнаг бæстæтæ.
Абон равдыст-форум «Уæрæсе»-йы у Цæгат Ирыстон - Аланийы бон. ВДНХ-йы фæзуатыл нæ республикæйы минæвæрттæ сараздзысты дæсгай мадзæлттæ. Сæ фæрцы уыдзæн нæ культурæ, æгъдæуттæ, æнтыстытæ æмæ райрæзты гæнæнты тыххæй базонæн. Ирддæр цаутæй иу – республикæйы презентаци. Райдыдта регионы разамонæг Сергей Меняйлойы раныхасæй. Йæ фæлгæты сæ курдиат равдисдзысты нæ раззагдæр сфæлдыстадон къордтæ æмæ зарæггæнджытæ. Уазджытæм æнхъæлмæ кæсы виртуалон балц Ирыстонмæ, стæй дæсныйадæвдисæн ахуыртæ. Бынаты рамбулæн ис Цæгат Ирыстонмæ туристон балц æгас бинонтæн. Уæдæ ирон чындзæхсæвы æгъдæуттæ дæр базондзысты нæ презентацийы уазджытæ. Уæ зæрдыл уын æрлæууын кæндзыстæм, форум «Уæрæсе» райдыдта 4-æм ноябры. Архайынц дзы бæстæйы æппæт субъекттæ, æххæстгæнæн хицауады федералон оргæнтæ, егъау корпорацитæ, æхсæнадон организацитæ æмæ фæсарæйнаг бæстæтæ.