Авд регионы культурон уагдæттæм æрбацыды нымæцон бæрæггæнæтæ нæ сæххæст кодтой

Авд регионы культурон уагдæттæм æрбацыды нымæцон бæрæггæнæтæ нæ сæххæст кодтой. Уый тыххæй фехъусын кодта Уæрæсейы культурæйы министр Владимир Мединский. Афæдзы райдианæй, культурæйы уагдæтты размæ сæвæрдтой хæс, цæмæй сæм чи цæуы, уыцы аивадуарджыты нымæц фæфыæлдæр кæныныл бакусой. Культурæйыл æнувыд чи у, уыцы адæмы бæрцыл хъуамæ бафтыдаид 15%. Уый национ проект «Культура» æххæстгæнгæйæ у сæйрагдæр домæнтæй иу. Уыцы хæс йæ къухы нæ бафтыд Дагестан, Новгороды облæст, Хакаси, Цæгат Ирыстон, Башкири, Кæсæг-Балхъар æмæ Хъалмыхъхъы республикæтæн. Национ проекты фæлгæты 2020-æм азы цы гранттæ лæвæрд цæудзæн, уыдон аразгæ уыдзысты 10 мæйы хатдзæгтæ хынцгæйæ, - фæнысан кодта Владимир Мединский культурæйы координацион советы æмбырды. Ацыд Санк-Петербургы 8-æм æппæтадæмон культурон форумы фæлгæты. Архайынц дзы нæ республикæйы минæвæрттæ. Национ проекты æууæлтæ хуыздæр сæххæст кодта Псковы облæст. Программæмæ гæсгæ нæ бæстæйы культурон уагдæттæ 10 мæймæ сæ уаргъæй сæххæст кодтой 73% бæрц. Проект «Культура» æххæстгонд цæудзæн 2024-æм азмæ. Санкт-Петербургы æппæтадæмон культурон форум та цæудзæн 18-æм ноябрмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv