тұқымды өсімдіктер

Тұқымды өсімдіктерде гаметофит және спорофит кезеңдері болады. Бірақ қырықжапырақтәрізділермен салыстырғанда гаметофит өте кішірейген және өздігінен тіршілік ете алмайды. Ол спорофитке тәуелді болады. Споралар мен гаметофиттер аналық бүрлердің немесе гүлдің ішінде бірнеше жасушалы құрылымға дейін дамиды. Тұқымды өсімдіктердің тіршілік циклінде диплоидты кезең (спорофит) басым болады. Қылқанжапырақтыларда да ұрықтану нәтижесінде түзілген жасушалардың хромосомалары жұп күйінде болады. Ал мейоз нәтижесінде түзілген гаплоидты жасушалар көбею мүшелерінде қалыптасады. Осылайша, тұқымды өсімдіктерде көбею үдерістері толық дамып, күрделене түскен. Тұқымды өсімдіктердің көбею ерекшелігі туралы білетін боласыздар.