«Иран æмæ Цæгат Кавказ»

Абон Цæгат Ирыстоны паддзахадон университеты ацыд æппæтдунеон конференци «Иран æмæ Цæгат Кавказ: истори æмæ æмгуыстады фидæн». Архайдтой дзы Цæгат Кавказы хъуыддæгты Уæрæсейы Федерацийы министр Лев Кузнецов, нæ республикæйы сæргълæууæг Битарты Вячеслав, Ираны æххæстбарджын минæвар Уæрæсейы Федерацийы МехдИ СанаИ, Евразиаг экономикæйы къамисы уæнг Вероника Никишина, нæ республикæйы, Уæрæсейы æмæ Ираны хицауады, ахуырады æмæ бизнесы минæвæрттæ. Мадзал аразæг у Уæрæсейы Федерацийы Цæгат Кавказы хъуыддæгты министрад. Ираны минæварад уыд 60 адæймагæй фылдæр, æдæппæтæй та форумы архайджыты бæрц 100-йæ ахызт. Сæ фылдæр сты разамонджытæ алы къабæзты: экономикæйы, ахуырады, политикæйы. Пленарон æмбырды, стæй та кусæг къордты ныхас цыд экономикон, ахуырадон, культурон æмæ базарадон æмгуыстдзинадыл Уæрæсе æмæ Ираны хсæн. Уый уыд мадзалы сæйраг хæс. Дыууæ бæстæйы дæр равдыстой цæттæдзинад, уыцы хабарыл бакусынмæ. Битарты Вячеславы ныхæстæм гæсгæ нæ республикæ архайдзæн Уæрæсе æмæ Иран хсæн Арвыкомы фæндаджы нысан сног æмæ сфидар кæныныл. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv