Хуыздæр чи зоны?

Дзæуджыхъæуы скъолаты дарддæр цæуы Æппæтуæрæсеон олимпиадæйы регионалон къæпхæн. Арæзт æрцæуы æрвылаз. Ацы хатт скъоладзаутæ, уыдон та сты 850, сæ тыхтæ æвзарынц 21 дисциплинæйы. Олимпиадæ у цыппар хайæ: скъолайы, муниципалон, регионалон æмæ кæронбæттæны къæпхæнтæй. Скъолайы къæпхæны йæ бон бацархайын у 4-æм къласæй уæлæмæ алы скъоладзауæн дæр. Муниципалоны архайынц 7-æй-11-æм кълæсты ахуырдзаутæ.Регионалон къæпхæны та 9-11 кълæсты ахуыргæнинæгтæ. Цæмæй æндæр къæпхæнмæ рахизыны бар фæзына скъоладзаумæ, уый тыххæй хуъамæ сæмбырд кæна хъæугæ балтæ. Ныридæгæн скъоладзаутæ сæ зонындзинæдтæ сбæрæг кодтой уырыссаг æмæ французаг æвзæгтæй. Абон та сæхи фæлвæрдтой химийæ. Рæстæг цын уыд 5 сахаты. Куыстытæн бæрæггæнæнтæ æвæрынц æксперттæ - нæ республикæйы уæлдæр ахуыргæнæдæтты минæвæрттæ. Олимпиадæйы уæлахиздзауты схорзæхджын кæндзысты Уæрæсейы Хицауады сæрмагонд премитæй. Уымæй уæлдай ма сын ратдзысты дипломтæ. Ахæм æвдисæндары фæрцы сæ бон уыдзæн профилон ахуыргæнæндæттæм æнцондæрæй бацæуын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv