Хуыздæр уыдзæн

Мæздæджы районы центрон рынчындон абон бабæрæг кодта республикæйы æнæниздзинад хъахъхъæныны министр Михаил Ратманов. Сбæрæг кодта, ног аппараттæ куыд кусынц, уый. Фыццаг уал æркаст эндоскопион хайады уавæрмæ. Æрæджы ам сæвæрдтой 2 ног эндоскопион аппараты. Уый фæстæ министр сбæрæг кодта дадзинты реанимацион хайад. Ам дзæбæх кæнынц инфаркт æмæ инсультæй сæйгæ адæмы. Мæздæджы поликлиникæйы æнхъæлцау сылгоймæгтæм цæстдарæн хайады та сæвæрдтой ног УЗИ-аппарат. Михаил Ратманов ма федта, цæсты низтæ дзæбæхгæнæн агъуысты арæзтад куыд цæуы, уый. Куыстытæ хъуамæ 2 къуырийы фæстæ фæуой. Сентябры та дзы райдайдзысты операцитæ кæнын. Афтæмæй районы рынчынты медицинон æххуыс райсынæн Дзæуджыхъæумæ кæнæ та æндæр рæттæм цæуын нал хъæудзæн. Бафтаудзынæн ма уый, æмæ æппæт кусæнгæрзтæ дæр балхæдтой республикæйы бюджеты хардзæй. Михаил Ратманов - рци-аланийы æнæниздзинад хъахъхъæныны министр:  «Ныртæккæ цы Дзæуджыхъæуы, цы Мæздæджы æнхъæлцау сылгоймæгтæм цæстдарæн хайæдтæ иухуызон ифтонггонд сты. Ныр алцыдæр аразгæ у дохтырты фæлтæрддзинад æмæ зонындзинæдтæй. Зæгъын ма мæ фæнды æмæ ахæм аппараттæ алы медицинон уагдоны нæй. Стæй сæ бирæ медицион центрты дæр нæ фендзынæ. Уый та ууыл дзурæг у, æмæ ахæм хуызы архайæм паддзахадон медицинон кусæндæтты техникон уавæр фæхуыздæр кæныныл. Бæрзонддæр æмвæзадыл куыд уой. Уæдæ Мæздæджы поликлиникæ дæр аивта. Ныртæккæ ма дзы цæуынц цалцæггæнæн куыстытæ. Хæстæгдæр рæстæг ма æнхъæлцау сылгоймæгтæм цæстдарæн хайад ардæм куы раивæм, уæд адæмæн ноджы æнцондæр уыдзæн». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv