Марат Хуснуллин амыдта регионалон райрæзты фæдыл хицауады къамисы президиумы æмбырд

Уæрæсейы вице-премьер Марат Хуснуллин амыдта регионалон райрæзты фæдыл хицауады къамисы президиумы æмбырд. Видеобастдзинады фæрцы куысты архайдта Дзанайты Барис. Ныхас цыд цӕрӕнуатон-коммуналон хӕдзарады системӕйы модернизацийыл, нацпроект "Цæрынæн инфраструктурӕ" ӕмӕ паддзахадон программӕ "Арӕзтад"-мӕ гӕсгӕ цы объекттӕ цæттæ кӕнынц, уыдоны фӕрӕзтӕй ифтонгадыл ӕмӕ раттыныл. Цӕгат Ирыстоны хицауады сӕрдары ныхӕстӕм гӕсгӕ, хъармгӕнӕн сезон республикӕйы ацыд нысангонд фæткмæ гæсгæ, социалон объекттӕ цӕттӕ уыдысты кусынмӕ. Специалисттӕ техникон лӕггад бакодтой 2 мин агдоны ӕмӕ баивтой хъармдарӕнты заууат хӕйттӕ.