Сергей Меняйло фембæлд футболы академи Алани-йы директор Битарты Робертимæ

Цæгат Ирыстоны сæргълæууæг Сергей Меняйлойæн кусæг фембæлд уыди футболы академи "Алани"-йы директор Битарты Робертимæ. Æрдзырдтой академийы дарддæры рæзтыл, тренерты квалификаци уæлдæр кæныны фарстатыл æмæ æвзонг футболистты æвзарыны фæткыл. Уæ зæрдыл уын æрлæууын кæндзыстæм, æрыгон спортсментæн футболон академи-интернат "Алани" байгом 2020-æм азы Дзæуджыхъæуы. Ам футболистты профессионалон рæзтæн ис æппæт уавæртæ дæр. Ныртæккæ дзы ахуыр кæнынц 135 лæппуйы æмæ 40 чызгæй фылдæр. Хъомылгæнинӕгты кар 12 азæй 17 азы онг.