Хуссар Ирыстоны ноггуырдтæн фæфылдæр кодтой сæ фиддонтæ

Хуссар Ирыстоны ноггуырд сывæллæтты ныййарджытæн дæтдзысты фæйнæ 10 мин сомы. Æхца хауынц, иу хатт кæй райсынц, уыцы фиддонтæм. Информацион агентад «Рес»-ы хъусынгæнинагмæ гæсгæ, нырмæ мадæлтæн лæвæрдтой фæйнæ 5 мин сомы. Уымæй уæлдай ма, ацы азæй фæстæмæ æрвылмæйы фиддонтæ дæтдзысты дыккаг сывæллонæн дæр. Уымæй размæ сæ истой, æртæ æмæ уымæй фылдæр сабийы кæмæн ис, уыдон. Æхцайы бæрц у 2 мин сомы. Сæ фæфылдæр кæнын уыди Хуссар Ирыстоны президент Бибылты Анатолийы хъæппæрис. Иу хатт кæй раттынц, уыцы фиддонты бæрц та 2019-æм азы суыдзæн 16 мин сомы. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv