Горæтгæрон районы сæйраг рынчындоны поликлиникæ дарддæр цалцæг кæнынц

Горæтгæрон районы сæйраг рынчындоны поликлиникæйы цалцæггæнæн куыстытæ кæронмæ фæхæццæ кæнынц. Бæстыхай сарæзтой 80 азты, уæдæй-абонмæ бындуронæй цалцæггонд никуы уыд. Фæзындзæн дзы ног кусæнгæрзтæ æмæ техникæ. Куыстытæ æххæст кæнынц — экономикон рæзты министрады программæ «Цæгат Кавказы федералон зылды райрæзты» фæрцы. Бæлвырддæр нæ дарддæры æрмæджы. Горæтгæрон районы сæйраг рынчындоны поликлиникæ хæстæгдæр рæстæг хъуамæ йæ хуыз скала. Бæстыхай сарæзтой 80-æм азты. Уæдæй-абонмæ бындуронæй цалцæггонд никуы уыд. Ныр æй рацарæздзысты. Пъланмæ гæсгæ хъуамæ афæдзы кæронмæ срæвдз уыдаид, фæлæ уый къухы нæ бафтыд. Поликлиникæйы лæггад кæнынц 600 адæймагæн. Цалцæджы фæстæ дзæбæхгæнæндоны фæзындзæн дыууæ уæзласæн лифты, Сæйраг хаймæ ма бафтыдтой ноджы иу корпус. Поликлиникæйы уыдзæн боныгон стационар дæр æмæ æвæстиаты æххуысы уат, амбулаторон хирургийы, дæндæгты дохдыры кабинеттæ. Уымæй уæлдай-ма дзы фæзындзæн сывæллæтты дзæбæхгæнæн корпус. Хистæр кары адæмимæ баст нæ уыдзæн. Рохуаты нæ баззадысты, йе`нæниздзинад хъыгдард кæмæн у, уыцы адæмы дæр. Сарæзтой сын æппæт хъæугæ уавæртæ. Техникон ифтонгад дзуапп дæтты нырыккон домæтæн. Ныридæгæн æлхæд æрцыд КТ аппарат. Уыдзæн Горæтгæрон районы фыццаг ахæм. Уæдæ низтæ иртасæн хайады уыдзæн маммограф æмæ флюорограф, нымæцон рентген-аппарат куыд хистæр кары адæмæн, афтæ сывæллæттæн дæр, Бындурон цалцæггæнæн куыстытæ райдыдтой фарон ноябыры экономикон рæзты министрады программæ «Развитие Северо-Кавказского федерального округа»-йы фæлгæты. Гæззаты Зæринæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv