«Должник» профилактикон операци

«Должник», зæгъгæ, профилактикон операцийы фæлгæты Цæгат Ирыстоны падзахадон автоинспекцийы кусджытæ æмæ тæрхондоны пъырыстыфтæ аразынц сæрмагонд рейдтæ. Мадзалы сæйраг нысан у, фæндаггон фæткы домæнтæ цы шофыртæ не ’ххæст кæнынц æмæ административон ивартæ барвæндонæй чи нæ фиды, уыдоны сбæрæг кæнын. Фиддонтæ бæрæггонд æмгъуыдмæ фыст куынæ æрцæуынц, уæд сæ закъонмæ гæсгæ баххæст кæнын хъæудзæн дывæрæй. Кæнæ 50 сахаты æнæмæнг куыстытæ бакæнын. Йе та закъонхалæджы административон хуызы æрцахсдзысты 15 суткæйы æмгъуыдмæ. Пъырыстыфты федералон службæйы кусджытæ «Судебный пристав», зæгъгæ, программæмæ гæсгæ бæрæг кæнынц, шофыртæй административон фиддонтæ чи нæ æххæст кæны, уыдоны. Закъон чи нæ æххæст кæны, уыдоны пъырыстыфтæ бæфхæрынц сæрмагонд фæткмæ гæсгæ. Дыууæ уагдоны кусджытæ дæр шофыртимæ аразынц профилактикон ныхас. Паддзахадон автоинспекцийы кусджытæ зæрдыл лæууын кæнынц, административон иварты тыххæй базонæн кæй ис паддзахадон лæггæдты сæрмагонд сайты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv