Аланийы аргъуыды 1100 азы кадæн Дзæуджыхъæуы сцалцæг кæндзысты Сыгъдæг Георгийы номыл аргъуан

Аланийы аргъуыды 1100 азы кадæн Дзæуджыхъæуы сцалцæг кæндзысты Сыгъдæг Георгийы номыл аргъуан. Уый нысангонд ис бæрæгбонмæ цæттæгæнæн сæрмагонд программæйы. Хæстæгдæр рæстæг аргъуаны агъуыстытæ бæстонæй саив кæндзысты. Бындурон рацарæзты проектыл бакуыстой епархиийы фæрæзтæй спайда кæнгæйæ. Йæ автортæ сты Мæскуыйы мозаикон нывкæнынады дæснытæ. Цæгат Ирыстоны сæйраг аргъуан ивгъуыд æнусы кæрон арæзт æрцыд. Архитектурон æгъдауæй конд у æнæ æрдынцарæй. Уый аххосæй аргъуаны акустикæ дæр сæ хæрзтæй нæу. Нæй дзы вентиляци, уый тыххæй та бæстыхайы къултæ ала кæнынц. Ног проектмæ гæсгæ аргъуан уыдзæн хæрзаивгонд æмæ зæрдæмæдзæугæ. Мидæггаг куыстыты концепцийыл архайдтой профессор Бзарты Руслан æмæ историон наукæты доктор Мамиаты Михаил. Уæлахизхæссæг Сыгъдæг Георгийы аргъуан цалцæг кæнынц Аланийы Аргъуыды 1100 азы бæрæгбоны мадзæлтты фæлгæты. Уый тыххæй бардзырд фыст æрцыд 2017-æм азы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv