Ахуыргæнджыты кадæн

Æппæтуæрæсеон адæмон фронты уæнгтæ раарфæ кодтой ахуыргæнджытæн сæ профессионалон бæрæгбоны фæдыл. Мадзал «Спасибо первому учителю»-йы фæлгæты бархионтæ сæ фыццаг ахуыргæнджытæн радтой дидинджытæ æмæ лæвæрдтæ. Республикæйы алы скъолайы дæр сарæзтой ахуыргæнджыты бæрæгбоны фæдыл кадджын мадзал. Архайджытæн ма бузныджы ныхæстæ загътой сæ уарзон ахуыргæнджытæн, æдзух сæм уарзон цæстæй кæй кастысты æмæ сæ раст фæндагыл кæй æвæрдтой, уый тыххæй. Цæгæраты Руслан: «Раарфæ кодтон мæ фыццаг ахуыргæнæгæн Хуыбаты Зинæидæйæн. Абон Æппæтуæрæсеон адæмон фронты уæнгтæ сарæзтой акци "Спасибо первому учителю"-зæгъгæ. Мæнмæ гæсгæ ацы акци хъуама æрмæст бæрæгбоны фæлгæты ма цæуа, фæлæ йæ кæной арæхдæр, цæмæй алы ахуырдзау дæр йæ уарзон ахуыргæнджытæн бузныджы ныхæстæ зæгъын рох ма кæна». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv