36 ахуыргæнæджы рацыдысты «Учитель года» æппæтуæрæсеон конкурсы æрдæгфиналмæ

36 ахуыргæнæджы Цæгат Ирыстонæй рацыдысты «Учитель года» æппæтуæрæсеон конкурсы æрдæгфиналмæ. Архайджыты `хсæн фæссауонмæ хæслæвæрдтæй хорз бæрæггæнæнтæ чи райста, уыдон. Цæгат Кавказы федералон зылды æрдæгфинал ацæудзæн Грознайы. Сæ тыхтæ дзы бафæлвардзысты Стъараполы край, Цæцæн, Дагестан, Кæсæг-Балхъар æмæ Хъæрæсе-Черкесы командæтæ. Нæ республикæйы минæвæрттæ сты 12 командæйы. Конкурсы хæслæвæрдтæ æххæст кæндзысты 3 боны. Арæзт уыдзысты «педагогический триатлон»-ы хуызы. Æрдæгфиналы командæтæн, уыцы хæслæвæрдтæй уæлдай, бацæттæ кодтой ахуырадон блок - фембæлдтытæ æмæ дæсныйад æвдисæн ахуыртæ. Æрдæгфиналы кæронбæттæны хатдзæгтæм гæсгæ, сбæрæг уыдзысты конкурс «Учитель года»-йы финалы архайджытæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv