Конференци «Молодые ученые в решении актуальных проблем науки»

Абон Цæгат Ирыстоны Хетæгкаты Къостайы номыл паддзахадон университеты уыдис 9-æм Æппæтадæмон наукон-практикон конференци «Молодые ученые в решении актуальных проблем науки» - зæгъгæ. Арæзт æрцыд нæ республикæйы сæргълæууæджы æрыгон ахуыргæндты æмæ специалистты совет, Цæгат Ирыстоны фæсивæды хъуыддæгты фæдыл комитет æмæ нæ горæты уæлдæр ахуыргæнæн университетты хъæппæрисæй. Ныхас дзы цыд, ныртæккæ наукон куыст цы фæсивæд кæны, уыдоны сæйраг фарстаты тыххæй. Æмбырды уыдысты пленарон æмæ секцион ахуыртæ дæр. Архайджытæ дихгонд æрцыдысты секцитæм гæсгæ. Уыдоны 'хсæн: инженерон - техникон, медикон-биологон, хъæууон-хæдзарадон, юридикон-экономикон æмæ гуманитарон наукæтыл. Уыдонæй иууылдæр бакастыты докладтæ, æмæ бæлвырдæр радзырдтой цы темæйыл фыстой, уый тыххæй. Абон ма ацы конференцимæ саккаг кодтой кадджын уазджытæ дæр. Уыдон канд нæ республикæйы цæрджытæ нæ, фæлæ ма иннæ регионты минæвæрттæ дæр. Уæрæсейы академийы Цæгат -Ирыстойнаг наукон центр, Хæххон-металургон æмæ Педагогон институттæ æмæ иннæ уæлдæр ахуыргæнæн бæстыхæйттæ. Уыдонæй уæлдай ма Цæгат Ирыстоны Паддзахадон университетмæ æрцыдысты Санкт-Петербург, Стъарапъол, Краснодар æмæ Дагестаны ахыргæндтæ.  Добаты Алыксандр, РЦИ-Аланийы сæргълæууæджы цур æрыгон ахуыргæндты æмæ специалистты разамонæг: «Ацы мадзалы сæйраг нысан у, цæмæй æрыгон ахуыргæндтæ кæрæдзиимæ æмбæлой, зонгæ кæной, уыимæ кæрæдзийы фæлтæрддзинадæй дæр пайда кæной. Уæдæ магистратурæйы чи ахуыр кæны, уыдон та хъуамæ, æнæмæнг, сæ наукон куыстытæ мыхуыр кæной алыхуызон журналты. Уæдæ уыцы куысты тыххæй та хъæуынц фæрæзтæ. уыдон та алы æрыгон ахуыргондмæ не сты. Нæ хæс у ацы фарстатæм лæмбынæг æркæсын». Шахизин Алибеков, экономикон наукæты дохтыр, Æппæтуæрæсеон паддзахадон юстициты университеты профессор, Дагестаны минæвар: «Махæн ацы конференци бæрæгбон у. Архайджытæ дзы кæрæдзиимæ аразынц æнгом бастдзинæдтæ. пайда кæнынц кæрæдзийы зонындзинæдтæй. Алкæмæдæр дзы цавæрдæр хъуыдытæ фæзыны. Уыцы-иу рæстæг кæрæдзийы куысты хъæндзинæдтæ дæр раиртасынц. Уый та уæлдай пайда у». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv