2007-æм азæй нырмæ Паддзахадон хæххон-аграрон университеты иртасынц нырыккон генетикон технологитæ. Бонæй-бонмæ ахуырадон уагдоны гæнæнтæ рæзынц, студенттæн та арæзт цæуынц æппæт уавæртæ дæр. Æрæджы дæр сæ ахуырад рахызт ног æмвæзадмæ. Ныр фæсивæдæн сæ зонындзинæдтæй пайда кæнын сæ бон у, ног ифтонггæрзыл кусгӕйӕ. Ноджы ма зайæгойты ног мыггæгтæ саразын, уыимæ раздæры арæзт зайæгойтыл бакусын æмæ райсын ног генетикон паспорт. «Нанафор 05»-ы руаджы ис бирæ ног гæнæнтæ. Ног æмæ республикæйы фыццаг генетикон анализатор. Ацы гарзы руаджы æнцонæй иртæстгонд цæуынц сырдтæ, зайæгойтæ æмæ адæймаджы гентæ. Ног генетикон паспорт райсын — хӕстӕн се 'нцондæртӕй нæу. Ис дзы цалдæр къæпхæны. Хъæуы дзы ДНК-йы сæрмагонд концентраци. Уый та у ноджы 4 сахаты куыст. Хъæугæ хатдзæгтыл хъæуы къорд фæлтæрдджын специалистты бакусын. Ахæм фадат фæзынд Паддзахадон аграрон университеты. Ам байгом нырыккон генетикон технологиты лаборатори. Ахæм иртæстытыл ахуырадон уагдон кусы 2007 азæй нырмæ. Бæрзондтехнологон гæрзтæм зилын дæр афтæ хъæуы. Уымæ гæсгæ, ам кусы æцæг профессионалтæ. Уымæй уæлдай, уый у хорз гæнæн специалистты цæттæ кæнынæн. Ахсджиагдæр хъуыддаг — хæрзхъæд мыггæгтыл бакусын. Ног лабораторийы руаджы ууыл архайдзысты æмæ ма бахъахъхъæндзысты селекционерты бартæ.