Елхоты кинотеатры уавæр

Иугæр Кировы районыл дзурæм, уæд ма уын фехъусын кæндзыстæм Елхоты иу азы дæргъы цы кинотеатр кусы, уый тыххæй дæр. Ахæм фадат бынæттон цæрджытæн фæзынд федералон программæмæ гæсгæ. Уæрæсейы Кинойы Фонд хъæуты кинотеатртæ байгом кæныны тыххæй радих кодта 5-гай милуантæ. Фыццаг рæстæг адæм бæргæ гуылф кодтой ацы бæстыхаймæ. Фæлæ рæстæг куыд цыд, афтæ киномæкæсджыты нымæц зынгæ къаддæр кота. Ныр боныгон æмæ æрвылбоны кинойы сеанстæм зæгъæн ис, æмæ ничи цæуы. Бирæтæ зæгъынц, киномæкæсæн экран æгæр гыццыл у, кæмæн та йæ зæрдæмæ репертуар нæ цæуы. Кусджытæ куыд зæгъынц, афтæмæй уый йеддæмæ ма равзæрд иу фиппайнаг: кинотеатр æмæ культурæйы хæдзар баиу кæныны хъуыды кæд йæ рæстæджы уыди раст, уæд абон афтæ зæгъæн, дам, нæй. Ацы фарстадзырддаг сси нæ республикæйы культурæйы министрады. Йæ аиуварс кæныныл рахастой уынаффæ. Кинозал ахæсдзысты культурæйы хæдзары 2-аг уæладзыгмæ. Уый та ратдзæн фадат сфæлдыстадон къордтæн сценæ суæгъд кæнынæн. Афтæ сæм фæзындзæн фылдæр рæстæг хи кусыныл. Ног залы экран сæвæрдзысты æппæт нырыккон домæнтæ хынцгæйæ. Ног фæткмæ гæсгæ кинотеатр скусдзæн ног азы. Йæ кусджытæ ныфс дарынц, уæд цæрджытæ разæнгарддæрæй кæй цæудзысты ардæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv