Номарæн мадзæлттæ

Фыдыбæстæ хъахъхъæнæджы боны кадæн номарæн мадзæлттæ арæзт æрцыдысты Дзæуджыхъæуы. Ацы хатт бæрæгбон ацæудзæн сæдæйæм хатт. Намысы мемориалмæ æрбамбырд 1 мин адæймагæй фылдæр. Се ’хсæн нæ республикæйы сæргълæууæг Битарты Вячеслав, хицауады, парламенты, политикон партиты, æхсæнадон организациты уæнгтæ æмæ иннæтæ. Иу минут æдзæмæй алæугæйæ, адæм æрхъуыды кодтой Фыдыбæстæйы Стыр хæсты чи фæмард æмæ немыцаг фашисттæн тыхджын ныхкъуырд чи радта, уыдоны нæмттæ. Уый фæстæ цыртдзæвæныл сæвæрдтой дидинджытæ æмæ веноктæ. Азæлыдысты Уæрæсейы æмæ Ирыстоны гимнтæ, стæй хæстон зарджытæ. Ахæм кадджын мадзæлттæ бæрæгбоны агъоммæ арæзт æрцыдысты горæты цалдæр раны. Зæгъæм, зындгонд инæлар Плиты Иссæйы цыртдзæвæны цурмæ дæр дидинджытæ æрбахастой. Уый та горæты администрацийы хъæппæрисæй. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv