Фæндаг ис

Арвыкомы фæндаг байгом кодтой машинæты æппæт хуызтæн дæр. Уый тыххæй фехъусын кодтой Æнæнхъæлæджы уавæрты министрады пресс-слубæйæ. Транскам дæр кусы фæткмæ гæсгæ. Зæйтæ дзы кæй рацыд, уый аххосæй йæ 6 боны размæ сæхгæдтой. Специалистты ныхæстæм гæсгæ, 50 зæйæ фылдæр рацыд уыцы бонты. Фæндагыл ацæуæн нæ уыд. 2 метры бæрзæндæн мит æй ныхгæдта. Ахæм уавæр расайдта æндæр фæстиуджытæм дæр. Цхинвалы хойрæгтæ фаг нал кодтой. Бынæттон цæрджытæ хæринагæй цух æййæфтой. Соса фæндаг митæй расыгъдæг кæнын уыцы иу бон сæрмагонд службæтæн нæ рауад. Тæссаг уыд ног зæйтæ рацæуынæй. Уый тыххæй ирвæзынгæнджыты бахъуыд зæйтæ барæй рацæуын кæнын. Ведомствойы ма куыд фехъусын кодтой, афтæмæй ацы къуыри дæр та боныхъæд зынгæ февзæрдæр уыдзæн. Гæнæн ис æмæ фæндæгтæ ногæй æхгæд æрцæуой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv