Наркотиктæ æнæзакъонæй уæй кæныны тыххæй кæй азымджын кæнынц, уыдоны æрцахстой Цæгат Ирыстоны пъæлиц

Наркотиктæ æнæзакъонæй уæй кæныны тыххæй кæй азымджын кæнынц, уыдоны æрцахстой Цæгат Ирыстоны пъæлицæйæгтæ. Оперативон-агурæн мадзæлтты рæстæг, æнæзакъонæй наркотиктæ уæй кæныны ныхмæ тохгæнæг управленийы кусджытæ, сбæрæг кодтой, пайда кæныны бар кæмæй нæй, ахæм хос «Прегабалин» чи парахат кодта, уыцы фыдгæнджыты къорд. Слестгæнæн мадзæлтты рæстæг рабæрæг, 33-аздзыд нæлгоймаг «Лирикæ» кæй хонынц, ахæм хос кæй парахат кодта. Закъонхалæгæн йæ хæдтулгæйы ссардтой лирикæйы 110 капсулæйы. Пъæлицæйæгтæ куыд сбæрæг кодтой, афтæмæй хос парахат кæныны хъуыддаджы нæлгоймагæн æххуыс кодтой 43 æмæ 52 аздзыд дыууæ сылгоймаджы. Ныртæккæ ацы цауты фæдыл байгом кодтой уголовон хъуыддæгтæ Уæрæсейы уголовон кодексы 234-æм æмæ 228-æм уац «Æнæзакъонæй наркотикон буаргъæттæ парахат кæныны тыххæй». Слестгæнджытæ дарддæр сæ куыст кæнынц. Зæгъын хъæуы уый æмæ наркотиктæ парахат кæнын ма руадзыны тыххæй республикæйы барадхъахъхъæнæг структурæтæ алыхуызон акцитæ кæй фæаразынц уый, уыимæ æдзухдæр кæнынц профилактикон куыст. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv