Ног гæнæнтæ

Дзæуджыхъæуы базарадон-экономикон техникумы ахуырдзауты абон зонгæ кодтой уæлдæр ахуыргæнæндæттимæ. Æрцыдысты сæм хæринæгты технологиты Мæскуйы Паддзахадон университеты минæвæрттæ. Ахуырдзаутæн радзырдтой, уæлдæр скъолайы цавæр дæсныйæдтыл ахуыр кæнынц, уый тыххæй. Ацы аз Мæскуыйы ахуыргæнæндон техникумæн радих кодта 40 бюджетон бынаты. Дзæуджыхъæуы базарадон-экономикон техникумы директор Æбиты Валерий уый стыр æнтыстдзинадыл нымайы. Бынæттæ ратдзысты хуыздæр рауагъдонтæн. Се сбæрæг кæнынæн ахуырдзаутæн сарæзтой сæрмагонд фæлварæнтæ. Мæскуыйы университеты минæвæрттæ фæсивæды зонындзинæдтæй разыйæ баззадысты. Мадзалы кæронбæттæны та уазджытæн равдыстой концерт. Радзырдтой, техникум цæмæй сæрыстыр у æмæ сæ къухы цавæр æнтыстдзинæдтæ бафтыд, уый тыххæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv