Рæстдзинады фæдыл

Мæскуыйы цы æрыгон лæппуты æрцахстой, уыдоны ныййарджытæ домынц хъуыддагмæ лæмбынæг цæстæй æркæсын. Газет «Слово»-йы пресс-центры фембæлдысты журналисттимæ. Фæнды сæ æхсæнады æргом хъуыддагмæ аздахын. Слестгæнджыты ныхæстæм гæсгæ, цыппар цæгатирыстойнаг лæппуйы 19 мартъийы Мæскуыйы фæхыл сты Испанийæ æрбацæуæг уазджытимæ. Уазджытæ иуы бахъуыд рынчындонмæ аласын. Не `мзæххонтыл байгом кодтой уголовон хъуыддаг. Ныртæккæ бадынц Мæскуыйы слестгæнæн изоляторы. Ныййарджытæ радзырдтой, хъуыддаг сæхимæ гæсгæ куыд уыд, уый тыххæй. Ныридæгæн ныффыстой фыстæджытæ республикæйы хицауадмæ æмæ паддзахадон Думæйы депутаттæм. Æххуыс сын кæны, адæймаджы бартæ чи хъахъхъæны, уыцы минæвар Уалыты Эльбрус. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv