Объектты нывыл кæныны куыстытæ «Жильё и городская среда» кæронмæ фæхæццæ кæнынц

Республикæйы объектты нывыл кæныны куыстытæ «Жилье и городская среда», зæгъгæ, национ проекты фæлгæты кæронмæ фæхæццæ кæнынц. Уæрæсейы арæзтад æмæ цæрæнуæтты комуналон хæдзарады министр Владимир Якушев регионтæн бабар кодта цæмæй «Формирование комфортной городской среды», йы программæмæ цы объекттæ хауынц, уыдон ацы азы кæронмæ банывыл кæнын. Программæ æххæст кæнынц 3020 мин муниципалон сконды. Ныридæгæн базылдысты 7738 мин æхсæнадон бынатмæ. Нæ бæстæйы алы регионты. Уый у, цы фæнд кодтой, уымæн йæ 57%. Регионтæй 7-ы куыстытæ баххæст кодтой 100% онг. Уыдон сты Калугæ, Тамбов, Саратов, Кемерово æмæ Магады облæсттæ. Уыимæ ма Цæцæн æмæ Хъæрæсе Черкессийы республикæ дæр. Цæгат Ирыстоны æхсæнадон бынæтты цалцæггæнæн куыстыты фылдæр хай æххæстгонд æрцыдысты. 61 бирæуæладзыгон хæдзæртты кæртытæй ныридæгæн базылдысты 60-мæ. Æхсæнадон бынæтты арæзтад кæронмæ æрхæццæ Кировы, Мæздæджы æмæ Æрыдоны районты. Октябрьскæйы, Беслæны, Алагиры куыстытæ кæронмæ фæхæццæ кæнынц. Объекттæ ма ныридæгæн аразынц Цыкола æмæ Дигорайы. Дзæуджыхъæуы Хетæгкаты Къостайы номыл сæйраг парчы цалцæггæнæн куыстытæ ахæсдзысты 2020 азмæ. Æдæппæтæй программæйы райрæзтыл 2019 азы схардз кодтой 236 милуан сомы. Уыдонæй 210 милуан сомы федералон, 11 республикон, 15 та бынæттон бюджеттæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv