Царды æцæгдзинадыл

«Кукловод». Ахæм сæргондимæ рухс федта Хъæрæцаты Чермены трилогийы дыккæггæм чиныг. Йæ фыццаг чиныг мыхуыры рацыд 2013-æм азы. Ног чиныджы ныхас цæуы политикæ, æхца, паддзахæдты ахАстдзинæдты æмæ æндæр ахæм хъуыддæгтыл. Цы хабæрттæ дзы ис, уыдон Чермен райста цардæй. Бафтаудзыстæм ма уый, йæ тираж 3 мины æмæ 500 экземпляры кæй у. Къуыри раздæр ма Хъæрæцы-фырт бакуыста æмдзæвгæты æмбырдгонд «Паралельная рельность», зæгъгæ, ууыл. Равдыста дзы уарзондзинады хъуыдытæ. Сиды, цæмæй адæм уарзой сæхи, сæ алыварс чи ис, уыдон, стæй сывæллæтты. Афтæ - цард дæр. Хъæрæцаты Чермены ныхæстæм гæсгæ, чиныг чи бакæса, уый йæ алыварсы хабæрттæ хуыздæр æмбардзæн. Хъæрæцаты Чермен, чиныджы автор: «Мæ чиныджы равдыстон нæ цардæй ист цаутæ. Цыдæриддæр дзы ис, уый. Равдыстон ма, æхсæнады хаттæй-хатт цы хъуыддæгтæ фенæм, уыдон алкæд раст кæй нæ вæййынц. Сæйраг у царды фæндагыл растудæй цæуын. Куыд мæм кæсы, афтæмæй мæ чиныг уымæн æххуыс уыдзæн». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv