Цæгат Ирыстонмæ радон хатт æрцæудзысты дохтыртæ Санкт Петербургæй

Цæгат Ирыстонмæ радон хатт æрцæудзысты дохтыртæ Санкт Петербургæй. Сæрмагондæй - медицинон десант, зæгъгæ, 23 -æй - 28-æм сентябрмæ рабалц кæндзысты нæ республикæмæ фæкæсинаг рынчынтæн баххуыс кæнынмæ. Ахæм акци аразынц проект «Петербурджы дохтыртæ - Ирыстоны», зæгъгæ, фæлгæты. Уый тыххæй хъусын кæнынц нæ республикæйы национ ахастдзинæдты фарстаты фæдыл министрады. Уыдзæн дзы медицинæйы алы къабазæй дæр дæсны дохтыртæ. Уыдон равзардзысты Санкт-Петербурджы Павловы номыл медицинон университетмæ хъæугæ æххуысы фæдыл дарддæр чи ацæудзæн, ахæмты. Дохтыртæ сæ исæнуæттæ байгом кæндзысты Дзæуджыхъæуы, Алагиры, Цыколайы æмæ Октябрскæйы хъæуы. Сæрмагонд проект «Петербурджы дохтыртæ - Ирыстоны» æххæстгонд цæуы нæ республикæйы хицауад æмæ Санкт Петербурджы ирон диаспорæйы хъæппæрисæй. Ахæм хæрзаудæн акци кæнынц 4-æм аз. Уæдæй нырмæ хъæугæ медицинон æххуыс райстой 5 мин адæймагæй фылдæр. 1 мин æмæ 300 адæймаджы аластой Санкт Петербургмæ дзæбæх кæнынмæ, 969-æн æнтыстджынæй скодтой опреацитæ. Ацы аз дæр, раздæрау, дохтырты æххуыс уыдзæн лæвар. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv