Дмитрий Медведев: «Авиабилеттæ уæйгæнæн сервертæ хъуамæ рахæссой Уæрæсемæ»

Авиабилеттæ нæ фæзынаргъдæр уыдзысты, сæ рагацау æлхæныны системæты сервертæ Уæрæсемæ рахæссыны хъæппæрис Хицауадмæ кæй фæзынд, уый тыххæй. Хабары тыххæй хъусын кæны Уæрæсейы транспорты министр Евгений Дитрих. Куыд зæгъы, афтæмæй нæ бæстæйы курортты баулæфыны аргъ иу адæймагæн слæууы 46 мин сомы. «Уый æмбаргæйæ, æнæнхъæлæджы уавæртæ хъуамæ ма сæвзæрой æмæ æргътæ хъуамæ ма схизой,» - фæбæрæг кодта министр. Уæ зæрдыл уын æрлæууын кæндзыстæм, 1-æм августы Дмитрий Медведев хæдтæхджытæм билеттæ рагагъоммæ æлхæныны системæты сервертæ æмæ базæтæ нæ бæстæмæ рахæссыны уынаффæ сфидар кодта. Майы куыд хъусын кодтой, афтæмæй уыцы хъуыддаг кæронмæ арæзт æрцæудзæнис 2021-æм азмæ. 2018-æм азы июлы та транспорты министрад бацæттæ кодта билеттæ уæй кæныны сервертæ æмæ базæтæ 2020-æм азы 1-æм январмæ рахæссыны проект. Уымæ гæсгæ, бæлццæтты бæрæггæнæнтæ æмæ гæххæттытæ базæйы дардзысты 6 азы дæргъы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv