Сæйрагдæр - æдасдзинад

«Встречная полоса», зæгъгæ - ахæм сæрмагонд акци сарæзтой Паддзахадон Автоинспекцийы кусджытæ. Йæ сæйраг хæс уыди - Фæнддаггон фыдбылызты профилактикæ, закъонхæлдыты нымæц къаддæр кæнын æмæ фæндаггон змæлды æдасдзинадмæ шофырты æргом аздахын. Паддзахадон автоинспекцийы æмæ Мидхъæуыддæгты Министрады хайады кусджытæ иумæ хæдтулгæты шофыртимæ ныхас кодтой. Радзырдтой сын ныхмæцæуæг фæндаджы хаймæ рахизын тæссаг цæмæй у, уый. Ахæм домæнхæлдтæ æппæты арæхдæр æмбæлы се*хсæн. Уæдæ фыдбылызтæ дæр расайынц. Уыцы хъуыддаджы хъыгдард ййафынц канд уыцы хæдтулгæйы скъæрджытæ нæ, фæлæ ма æнæуи, фæндагыл чи цæуы, уыдон дæр. Бæрнон кусджытæ адæмы зæрдыл лæууын кæныц, Администартивон барадхæлдтыты кодексмæ гæсгæ, фæндаджы ныхмæлæууæг хаймæ куы рахизай, уæд ивар фидын кæй хъæудзæн. Йæ бæрц у 5 мин сомы. Уыимæ ма, хæдтулгæйы цæуыны бардæттæг гæххæтт дæр байсдзысты 4-æй -6 мæймæ. Ногæй та закъоны сæрты куы ахизай, уæд æфхæрд фæкарздæр уыдзæн. Паддзахадон автоинспекийы кусджытæ сидынц, цæмæй шофыртæ къæрцхъусдæр уой æмæ æдасдзинады домæнтæ æххæст кæной. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv