Цæгат Ирыстоны мидхъуыддæгты министр Михаил Скоков радон хатт байхъуыста адæммæ

Цæгат Ирыстоны мидхъуыддæгты министр Михаил Скоков радон хатт байхъуыста адæммæ. Æрбацыдысты йæм, барадхъахъхъæнджытæм фарст радтын кæй фæндыд, уыдон се `ппæт дæр. Министр адæмимæ ныхасы рæстæг йæ кусæнуатмæ хуыдта дæлхайæдты разамонджыты æмæ сын-иу бабар кодта адæмы тыхстаг уавæртæм бæстонæй æркæсын. Курдиæттæ сæйрагдæр баст уыдысты зæххыты фарстатимæ, фæндаггон цаутимæ æмæ куыст ссарынимæ. Суанг ма дзы, Мидхъуыддæгты министрадмæ бар чи нæ дары, ахæмтæ дæр разынд. Цæгат Ирыстоны цæрджыты фылдæр тыхсын кодта, уголовон хъуыддæгтæ куыд æвзæрст цæуынц, уый. Цалдæрæй та балæвæрдтой курдиæттæ, цæмæй сæ мидхъуыддæгты министрадмæ кусынмæ райсой. Æппæт фæрстытыл бакусдзысты Слестгæнæн управленийы æмæ Мидхъуыддæгты министрады иртæстыты хайады кусджытæ. Се 'ппæт курдиæттæм дæр æркæсдзысты. Республикæйы цæрджытæй кæйдæрты бафæндыд министрадæн арфæ ракæнын сæ хæрзхъæд куысты фæдыл. Михаил Скоковы ныхæстæм гæсгæ, адæмимæ фембæлдтытæ æмæ сæ фарстатæ аиуварс кæныны куыст у уæлдай вазыгджын. Йæ хъуыдымæ гæсгæ, уыцы хъуыддагмæ куыдфæндыйы цæстæй кæсæн нæй. Уæ зæрдыл уын æрлæууын кæндзыстæм, министр ахæм фембæлдтытæ аразы афæдз дыууæ хатты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv