Цæгат Ирыстоны цæуы профессионалон цæттæдзинады чемпионат. Цæгат Кавказы аграрон-технологон колледжы архайджытæ сæ арæхстдзинад æвзарынц 5 куысты: «чъиритæ фыцын», «агуыридур æвæрын», «пецтæ арарзын», «хъæддæсны» æмæ «фермеры» куыстыты. Чемпионат бабæрæг кодта Сергей Меняйло дæр. Æркасты бацархайынмæ æдæппæтæй Æрыдонмæ æрбацыд 115 адæймаджы нæ бæстæйы 50 регионæй фылдæрæй. Цалдæр сахаты дæргъы цæуы агуыри дурæй амайынæй фæлварæн. Ацы фæсивæд сты дыккаг фæлтæрæй, æдæппæтæй та сты фондз. Æрмæст ацы компетенцийы архайынц бæстæйы 43 регионæй. Се 'ппæт дæр кусынц æркасты хæслæвæрттæ сæххæст кæныныл. Уымӕй дӕр ма сты националон фæзилæнтимæ. Чемпионаты архайынц куыд юниортæ, афтæ асмæ гæсгæ сæйраг категорийы дæр. Дулаты Сæрмæт йæхи цæттæ кодта 3 мæйы бæрц. Уыцы рæстæг колледжмæ æрвылбон йæ фæндаг уыд Уæллаг Фыййагдонæй. Йӕ фыдӕбоны хатдзӕг - 2 бынат регионалон къæпхæны. Фæсивæд ма сæ арæхстдзинад æвзарынц 5 куысты: «чъиритæ фыцын», «пецтæ арарзын», «хъæддæсны» æмæ «фермеры» куыстыты. Æдæппæтæй Аграрон-технологон колледжы суазæг кодтой 100 архайæгæй фылдæры бæстæйы 51 регионæй. Чемпионаты фæзуæттæ бабæрæг кодта Сергей Меняйло. Республикæйы сæргълæууæг федта, архайджытæ сæхи ерыстæм куыд цæттæ кæнынц, уый. Радзырдтой йын хæслæвæрдты тыххæй, равдыстой ифтонггæрзтæ. Ногдзинæдтæ базонын æмæ скъоладзауты кусæг дæсныйæдтæм сразæнгард кæнын. Регионы разамонæг куыд фæбæрæг кодта, афтæмæй ахæм мадзæлттæ фæсивæдæн æмæ куыстдæтджытæн дæр фидæны пайда æнæмæнг æрхæсдзысты. Бизнес-æхсæнадтæ æмæ алыхуызон куыстуæтты æмгуыстады руаджы афойнадыл дæсны специалисттæ бацӕттӕ кӕнын. Ууыл æрдзырдтой сæрмагонд æмбырды рæстæг. Бацархайдтой дзы ахуырадон уагдæттæ æмæ профилон министрады минæвæрттæ. Чемпионат «Профессионалы», зæгъгæ, у æппæтуæрæсеон. Йӕ руаджы фæсивæд исы фæлтæрддзинад, зонындзинæдтæ æмæ куыст.