Курдиатджын сывæллæттæ

Налцыччы сарæзтой æртыккаг æппæтадæмон олимпиадæ «Таланты Евразии», зæгъгæ, номимæ. Дзæуджыхъæуы аивæдты лицейы хъомылгæнинæгтæ дзы бацахстой 6-æз фыццаг бынаты. Архайгæ та дзы кодтой куыд Уæрæсейы алы регионтæ, афтæ ма Индийæ дæр. Се `хсæн жюрийы уæнгтæ фæбæрæг кодтой Цæгат Ирыстоны курдиатджын сывæллæтты зонындзинæдтæ. Цæгат Ирыстоны минæвæрттæ сæхи фæлвæрдтой цалдæр номинацийы: эстрадон зарæгæй, адæмон кафтæй, æндæр аивадон фæлварæтæй. Лицейы хъомылгæнинæгтæ куыд зæгъынц, афтæмæй ууыл не `рлæудзысты. Сæ уæлахиз сын тых радта ног къæпхæнтæм тырнынæн. Ныр фæнд кæнынц сæ арæхстдзинæдтæ Мæскуыйы бавзарын. Æгасæй та мадзал аивадуарзджытæн сæ зæрдæмæ тынг фæцыд. Йæ программæ цымыдисаг рауад. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv