Бырон ласæггаджы фиддон фæфылдæр уыдзæн

Уæрæсейы, гæнæн ис, æмæ ацы аз дыккаг хатт сырæздзысты хауæддзæгтæ ласæггаджы тарифтæ. Уый уæд, æмæ ма сæм бырондæтты зæхх бакусыны, ома рекультиваци скæныны хæрдзтæ куы бафтауой, уæд. Уый тыххæй хъусын кæны «Известия». Кусæг къорды архайджытæ цæттæ кæнынц Уæрæсейы субъектты æрдзы хæрзхъæддзинад фæхуыздæр кæныны тыххæй доклад. Къорды сæргълæууæг, Дæллаг Новгороды областы губернатор Глеб Никитины ныхæстæм гæсгæ, сæйраг хæс у закъонмæ гæсгæ рекультивацийы домæнтæ сфидар кæнын. Уый руаджы, хауæддзæгтæ цы полигоныл уыдзысты, уый æрдз халæг бынатыл нымад нал уыдзæн. Дæллаг Новгороды облæсты сæргълæууæджы пресс-службæ куыд хъусын кæны, афтæмæй фиддон цас фæфылдæр уыдзæн, уый нæма банымадтой. Алы регионы дæр ын уыдзæн алыхуызон бæрæггæнæнтæ. Зæгъын хъæуы уый, æмæ уыцы хæрдзты кæцыдæр хай субсидиты хуызы фиддзæн паддзахад. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv