Клиенттæй цæстфæлдахджытæм æхца чи арвыста, уыдонæн сæ банк фæстæмæ здахдзæн. Ахæм закъон бафыстой Уæрæсейы. Йæ тыхы бацæудзæн йæ рахæссыны бонæй афæдзы фæстæ. Ныртæккæ йæм кæсынц Федерацийы Советы. Банк домæнтæ сæххæст кæндзæн æрмæст уæд, фæрæзтæ цы хыгъдмæ арвыстой уый Уæрæсейы банчы базæйы куы уа, уæд. Хъыгдæрдӕййафæг хъуамæ курдиатимæ фæсида кредитон организацимæ, уый фæстæ йын 30 боны 'мгъуыдмӕ йе 'хца фæстæмæ æрбарвитдзысты. Сæрмагонд ивддзинæдтæ Паддзахадон Думæ бахаста «О национальной платежной системе», зæгъгæ, закъонмæ. Уыимæ ма сæ тыхы уыдзысты фæдзæхстадон премиимæ баст домæнтæ. Уымæй уæлдай ма банк фæссауонмæ нал лæггад кæндзæн хыгъдæй давд æхцатæ гæххæттынтæм чи ивы, уыдонæн. Уый, æрмæст кæд ис миддхъуыддæгты министрадæй ахæм информаци райсой, уæд. Ныр хыгъдæй æхца чи фӕаууон кӕна, уыдоны тыххæй информаци банктæ базонынц финансон куыстуæттæм цæстарæг оргæнæй. Закъоны бындурыл ивддзинæдты руаджы Уæрæсейы банчы æмæ Мидхъуыддæгты министрады 'хсæн æмгуыстад фæхъæддыхдæр уыдзæн.