Рухс федта Уарзиаты Вилены «Æвзаргæ куыстыты» дыккаг том

Рухс федта дзæнæты бадинаг Уарзиаты Вилены, Цæгат Ирыстоны паддзахадон университеты профессор, историон наукæты кандидаты «Æвзаргæ куыстыты» дыккаг том. Æмбырдгонд дзы сты этнологон уацтæ, ирон адæмы цард кæмæй фидауы, уыцы культурæ æмæ `гъдæутты уаг. Уæлдай стыр æргом автор аздæхта ирон дины хъуыддæгтæм, дзуры ма дзы Турчы цæрæг ирæтты хъысмæты тыххæй дæр. Чингуытæн рецензитæ чи фыста, уыдоны хъуыдымæ гæсгæ Уарзиаты Вилены хатдзæгтæ абон дæр ахæсгæ сты нæ цардмæ. Дыууæ томмæ ма бахастой цалдæр монографийы дæр. Автор дзы дзуры адæмон хъæзтытæ æмæ хиирхæфсæнты тыххæй, стæй ирон адæмы бастдзинæдтыл Кавказы æндæр адæмыхæттытимæ. Иуæй-иу уацтæ чиныджы сты ирон æвзагыл фыст. Автор дзы фиппайы, чырыстон дин ирон адæмыл куыд сахадыдта, уый. Рецензентты хъуыдымæ гæсгæ, Уарзиаты Вилены чингуытæ рауадзынæй ссардтой зынгæ ахуыргонды рухс ном. Йе `видийгæ куыстытæ адæмы `хсæн кæй цæрдзысты, ууыл дызæрдыг ничи кæны. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv