Мæздæджы районы æхсыры фыццаг завод скусдзæн ацы азы апрелы кæрон
Мæздæджы районы æхсыры фыццаг завод скусдзæн ацы азы апрелы кæрон. Мин квадратон метрыл апарахат уыдзæн раззагдæр инвестицион проект. Уаддзысты дзы æхсыры продукцийы алы хуызтæ. Æхсыры сæртæ, мисын, къæдор, йогурттæ, ирон цыхт æмæ æхсыр. Фыццаджыдæр пайда кæндзысты мæздæггаг хомагæй. Ласдзысты ма йæ регионы фермертæ дæр. Цæттæ продукци дардзысты уазалгæнæнты. Ныртæккæ æвæрд æрцыд кусæнгæрзты 80%. Проектмæ гæсгæ заводы хъомыс суткæмæ уыдзæн 50 тоннæйы. Продукци парахат кæндзысты куыд республикæйы, афтæ бæстæйы дæр. Æхсыры хæрзхъæддзинадмæ бæстонæй кæсдзысты. Æнæмæнг, æхсырæй конд продукттæ æмæ æхсыр цæудзысты сæрмагонд иртæстытæ. Продукцийыл аргъ æвæрдзысты базарады рæстæмбис бæрæггæнæнтæм гæсгæ. Проекты руаджы æппынкъаддæр фæзындзæн 30-40 куысты бынаты. Мæздæджы районы æхсыры завод саразын у социалон ахсджиаг хъуыддаг.
Мæздæджы районы æхсыры фыццаг завод скусдзæн ацы азы апрелы кæрон. Мин квадратон метрыл апарахат уыдзæн раззагдæр инвестицион проект. Уаддзысты дзы æхсыры продукцийы алы хуызтæ. Æхсыры сæртæ, мисын, къæдор, йогурттæ, ирон цыхт æмæ æхсыр. Фыццаджыдæр пайда кæндзысты мæздæггаг хомагæй. Ласдзысты ма йæ регионы фермертæ дæр. Цæттæ продукци дардзысты уазалгæнæнты. Ныртæккæ æвæрд æрцыд кусæнгæрзты 80%. Проектмæ гæсгæ заводы хъомыс суткæмæ уыдзæн 50 тоннæйы. Продукци парахат кæндзысты куыд республикæйы, афтæ бæстæйы дæр. Æхсыры хæрзхъæддзинадмæ бæстонæй кæсдзысты. Æнæмæнг, æхсырæй конд продукттæ æмæ æхсыр цæудзысты сæрмагонд иртæстытæ. Продукцийыл аргъ æвæрдзысты базарады рæстæмбис бæрæггæнæнтæм гæсгæ. Проекты руаджы æппынкъаддæр фæзындзæн 30-40 куысты бынаты. Мæздæджы районы æхсыры завод саразын у социалон ахсджиаг хъуыддаг.