Уæрæсейы хицауады хъæппæрисæй фæзынд «Объясняем.рф», зæгъгæ, портал

Донбассы уавæры тыххæй къуримæ интернеты тыгъдады апарахат 1,5 милуан мæнг хъусынгæнинаджы. Уæрæсейы хицауады хъæппæрисæй фæзынд «Объясняем.рф», зæгъгæ, портал. Уым ссарæн уыдзæн раст æмæ ног информаци ахсджиаг фарстаты фæдыл. Уый тыххæй фехъусын кодта вице-премьер Дмитрий Чернышенко. Информацион ног ресурс уыдзæн «Стопкороновирус.рф»-ы хуызæн. Дзуапп ссарæн дзы уыдзæн алы къабазы фарстаты фæдыл дæр. Финансон, транспортон бастдзинад, ахуыргæнæндæтты куыст æмæ æндæр ахсджиаг фарстатæ. Порталмæ хи бафыссæн уыдзæн уæлæфтуантæ Telegram, Одноклассники, Viber, «ВКонтакте» -йы фæрцы. Дмитрий Чернышенко куыд бафиппайдта, афтæмæй ног хъусынгæнингтæм æппынæдзух сæ цæст дардзысты. Порталы куыстæн дзуапп д æтдзысты профилон министрадтæ æмæ ведомствотæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv