Амыраны рухс сæ къхты

Ахуырадон домæнтæ бонæй-бонмæ диссагдæр кæнынц. Кæй зæгъын æй хъæуы, урокты рæстæг уый скъоладзауты цымыдисдзинадæн æнæмæнг ахъаз фæуыдзæн. Мадæлон æвзаджы ахуыртæм сабитæ уый фæрцы хъуамæ уæлдай зæрдиагдæрæй цæттæ кæной. Хуыздæр æмæ арæхстджындæр цы ахуыргæнджытæ сты, уыдон сæ дæсныйады сусæгдзинæдтæ раргом кодтой. Цы байтауай, уый æркæрддзынæ. Уымæ гæсгæ ирон æвзаг æмæ литературæйы ахуыргæнджытæ ноджы зæрдиагдæрæй бавнæлдтой сæ куыстмæ. Канд сæ конкурс-æркасттæ æвдисæн не сты уымæн, фæлæ ма радон мастер-класстæ дæр. Сæ фæрцы ахуыргæнджытæн æнæмæнг рæзы сæ фæлтæрддзинад. Уæдæ цы куыстыл хæст сты, уымæ дæр уæндондæрæй æвналдзысты. Ацы хатт нæ республикæйы мадæлон æвзаджы ахуыргæнджыты суазæг кодта Дзæуджыхъæуы скъола-интернат. «Æрæмбырд ис ирон æвзаджы ахуыргæнджыты къорд. Не скъолайы абон равдисдзысты ахуыргæнджыты къордæн сæ арæхстдзинæдтæ мастер-классы хуызы», – скъола-интернаты директор Течиаты Нинæ. Ахуыргæнджытæ минут æдзæмæй алæугæйæ, æрхъуыды кодтой Кемеровы бæллæхы чи бацарæфтыд, уыдоны рухс нæмттæ. Сывæллæтты фидæныл чи хъуыды кæны, уыдон сæ зæрдæмæ уæлдай хæстæг айстой ацы хабар. Сæ зонындзинæдтæ дæр уымæн не `вгъау кæнынц. Зæгъын хъæуы уый, æмæ алы ахуыргæнæгæн дæр радтой цыппор минуты нæ, фæлæ дыууын. Уыцы рæстæгмæ хъуамæ раргом кодтаиккой сæ куысты сусæгдзинæтæ, рæзгæ фæлтæр кæуыл хъуамæ фæцалх уой, уыдон. «Не скъола нын тынг арæх бабæрæг кæнынц æндæр ахуыргæнджытæ. Цæмæй нын феной нæ куысты фæлтæрддзинад. Цæмæ арæхсæм? Цæмæй тыхсæм? Цавæжр къуылымпыдзинæдтыл æмбæлæм нæ куысты мидæг. Бастдзинад нын ис нæ республикæйы ахуыргæнджыты бæрзонддæргæнæн институты минæвæрттимæ», – ирон æвзаг æмæ литературæйы ахуыргæнæг Дзгойты Аллæ. Фæлтæрдджын ахуыргæнджытæй фæстæ нæ фæлæууыдысты æрыгæттæ дæр. Рубайты Зæлинæ – уыдонæй иу. Тынг зæрдæргъæвдæй архайы, цæмæй сывæллæттæ сæ мадæлон æвзагыл сдзурой. Уымæн æвдисæн сты, цы нырыккон технологитæй пайда кæны, уыдон дæр. Æрæджы Зæлинæ æртыккаг бынат бацахста нæ республикæйы ирон æвзаг æмæ литерæтурæйы ахуыргæнджыты æркасты. Уый йын ног бæрзæндтæм схизынæн дæтты ног тыхтæ æмæ стыр ныфс. «Мæ хæсыл нымайын сывæллæтты сахуыр кæнын ирон æвзагыл. Цæмæй иронау рæсугъд æмæ аив дзурой. Сæ хъуыдытæ сæ бон зæгъын куыд уа.Архайын цæмæй цымыдисаг уа сывæллæттæн. алыхуыхзон технологитæй пайда кæнынн», – ирон æвзаг æмæ литературæйы ахуыргæнæг Рубайты Зæлинæ. Нæ республикæйы ахуыргæнджыты бæрзонддæргæнæн институты кусджытæ стыр аргъ скодтой уроктæн. Сæ хатдзæг иу уыдис – ахуыргæнджыты методикæтæй пайдагæнæн ис куыд ирон къордты, афтæ уырыссаг сывæллæтты `хсæн дæр. Йæ предметыл афтæ æнувыд чи у, уыцы ахуыргæнджыты фæрцы ирон æвзагæн бамыр уæвæн нæй. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv