Курдиатджын композиторы юбилей

Плиты Жаннæ бæрæг кæны йæ юбилей. Цæгат æмæ Хуссар Ирыстоны йæ чи нæ зоны, ахæм адæймаг стæм разындзæн. Бирæ конкурсты æмæ фестивальты уæлахиздзау ирон культурæй хæзнадонмæ стыр æвæрæн бахаста. У 6 симфонийы, 3 балеты, 4 концерты, бирæ камерон, вокалон æмæ инструменталон уацмысты автор. Музыкæ фыста спектакльтæн æмæ кинонывтæн дæр. Йæ уацмыстæ сты Европæйы æмæ Уæрæсейы хуыздæр оркестрты репертуарты. Йæ «Бæрæгбоны увертюрæ» та цæгъды Гергиты Валерийы оркестр. 2002 азы та нарты кадджытæм гæсгæ ныффыста балет «Арвы айдæн» æмæ уый тыххæй Плиты Жаннæйы схорзæхджын кодтой УФ-йы паддзахадон премийæ. Адæмы зæрдæты та уæлдай бынат ссардта куыд Беслæны теракты амæттæгты номыл симфонийы автор. Йæ рæстæджы фестиваль «Мæскуыйаг фæззæджы» Плиты Жаннæйы концертмæ бахауæн æнцон нæ уыд. Йæ цагъдмæ хъусгæйæ-иу адæймаджы сæрыхъуынтæ арц сбадтысты. Йæ музыкæ хъары алы адæймаджы зæрдæмæ æмæ йæ сæнкъуысын кæны. Ныртæккæ Плиты Жаннæ æнæфæразгæ у. Æмæ йын аивадуарзджыты зæрдæ зæгъы - æнæниздзинад. Цæмæй ма бирæ сæ бирæ азты рæвдауа йæ æгæрон курдиатæй. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv