Дыууадæсаздзыд лæппуйæн йе`нæниздзинад хуыздæр кæны

Мæздæджы электрон точы фæцæф, уыцы дыууадæсаздзыд лæппуйæн йе`нæниздзинад хуыздæр кæны. Уый тыххæй фехъусын кодтой сывæллоны бинонтæ. Ныр сывæллон ис Мæскуыйы Сперанскийы номыл рынчындоны. Дохтырты ныхæстæм гæсгæ, йæхимæ æрцыд, хиуæтты дæр базоны. Рынчындоны нырма уыдзæн дзæвгар рæстæг. Бахъæудзæн ын операци скæнын дæр. Уæ зæрдыл уын æрлæууын кæндзыстæм, 22 октябры дыууæ скъоладзауы хъавыдысты уæзласæн поезды вагоны сæрмæ схизын. Афтæмæй сæ электрон ток ныццавта. Æвæстиатæй сæ аластой рынчындонмæ Дзæуджыхъæумæ. Фæстæдæр дохтыртæ уынаффæ рахастой, сывæллæттæй тынгдæр хъыгдæрд чи баййæфта, уый Мæскуымæ, Сперанскийы номыл рынчындонмæ арвитын. Аластой йæ æнæнхъæлæджы цауты министрады хæдтæхæгæй. Фæндагыл йемæ уыд дохтырты къорд. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv