Ахсджиаг акци

Цæгат Ирыстоны 4 мин æфсæддоны архайдзысты «Вахта памяти», зæгъгæ, акцийы. Мадзал райдайдзæн абон æмæ ахæсдзæн 15-æм сентябры онг. Арæзт уыдзæн Елхоты дуæртты раз. Уым хæсты заман æппæты тугкалгæ тохтæ цыдысты. 58-æм æфсады уæнгтæ, Фыдыбæстæйы Стыр хæсты цы æвзонг лæппутæ фæмард, уыдоны стæгдартæ агурдзысты. Уый тыххæй сæ сифтонг кæндзысты сæрмагонд кусæнгæрзтæй. Ацы акци нæ республикæйы аразынц дыккаг хатт. Ивгъуыд аз агурджытæ сардтой 41 æфсæддоны. Уымæй уæлдай ма - сæ дзаумæттæ æмæ сæ хæрзиуджытæ дæр. Иу æфсæддоны та сбæрæг кодтой сæрмагонд жетонмæ гæсгæ. Йæ хиуæттæ йæ Чувашийы баныгæдтой кадджын уавæры. Уæ зæрдыл уын æрлæууын кæндзыстæм, 1942 азы июлы Елхоты дуæртты цур æртæ мæйы цыдис тугкалæн тох. Сæрмагонд бæрæггæнæнтæм гæсгæ дзы фæмард 24 мин салдаты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv