Уæрæсейы сæхгæдтой наркотикты тыххæй информаци кæм парахат кодтой, ахæм 21 мин сайты

2019 азы Уæрæсейы сæхгæдтой наркотикты тыххæй информаци кæм парахат кодтой, ахæм 21 мин сайты. Веб-ресурсты фылдæр хай регистрацигонд уыдысты æндæр бæстæты. Уый тыххæй хъусын кæны Уæрæсейы мидхъуыддæгты министрады пресс-центр. 2019 азы 1-æм январæй-30-æм ноябрьмæ мидхъуыддæгты министрады, наркотикты ныхмæ тох кæнæн управленийы, бацархайдтой 37 мин электрон хуызы фыст курдиатыл. Уыдонæй 21 мины тыххæй эксперттæ рахастой сæхгæныны уынаффæ. Уæрæсейы президент Владимир Путины хъæппæрисмæ гæсгæ, мидхъуыддæгты министрад бацæттæ кодта сæрмагонд къоныпроект. Уымæ гæсгæ интернеты наркотикты тыххæй информаци чи парахат кæна, уыдоны ныхмæ гом кæндзысты уголовон хъуыддæгтæ. Профилон министрады куыд фæнысан кодтой, афтæмæй закъонхалджыты администраивон хуызы æфхæрын фаг нæу, уымæн æмæ Уæрæсейы наркотикты пропагандæ интеренеты тыгъдады фылдæр парахат кæны. Хæстæгдæр рæстæг мидхъуыддæгты министрады фæзындзæн сæрмагонд дæлхайад. Йæ сæйраг нысан- интернеты тыгъдады наркотикты ныхмæ тох кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv