Ахуыргæндты конференци

Цæгат Ирыстоны паддзахадон университеты Ахуыргæндты советы залы кадджын уавæры байгом кодтой æппæтуæрæсеон наукон конференци «Коста Хетагуров в контексте культуры России», зæгъгæ, номимæ. Баст у ирон литературæйы бындурæвæрæджы 160 азы юбилеимæ. Ахуыргæндтæ сæ фæлтæрддзинадимæ зонгæ кæндзысты кæрæдзийы. Форумы архайджыты нымæц - 100 ввахс. Æппæтуæрæсеон наукон-практикон конференцийы сæ куыстытимæ базонгæ кæндзысты Мæскуыйы, Адыгейæйы, Хъæрæсе-Черкесийы, Абхазийы æмæ æндæр регионты минæвæртты. Хетæгкаты Къостайы сфæлдыстад æмæ царвæндаджы тыххæй радзырдтой университеты президент Мæхæмæтты Ахуырбег æмæ Балтиаг федералон университеты профессор Тахъазты Валерий. Форумы фæлгæты ма Цæгат Ирыстоны Национ музейы бацæттæ кодтой равдыст «Весь мир - мой храм», зæгъгæ. Экспозици феныны фадат алкæмæн дæр уыд. Уæ зæрдыл уын æрлæууын кæндзыстæм нæ республикæйы паддзахадон университет Хетæгкаты Къостайы ном хæссын 1939-æм азы кæй райдыдта. Уæд республикæ бæрæг кодта йе 80 азы юбилей. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv