Нæ «Иры фидæн»

Сывæллæтты сфæлдыстады галуаны та уыдис скъолайы рагъагоммæйы ахуыргæнæндæтты хсæн республикон конкурс «Иры фидæн». Архайдтой дзы республикæйы алы районы минæвæрттæ дæр. Сывæллæттæ зæрдиагæй кастысты æмдзæвгæтæ, равдыстой чысыл инсценировкæтæ æмæ сæ нывæфтыдтæ. Сывæллæтты сфæлдыстадон галуаны абон сывæллæттæ æмызмæлд кæныц. Мадæлон æвзаг, традицитæ æмæ культурæ сын нырма æрæджы амонын райдыдтой. Æмæ кæд нырма сæ зонындзинæдтæ хъæздыг не сты, уæддæр сценæйы уæндонæй архайынц. Конкурс «Иры фидæн» æрымбырд кодта æцæг зæрин хурты. Кæд сæ гыццыл удтæ тыхстысты æмæ сæ чидæртæ тарстысты, уæддæр бацархайдтой æмæ равдыстой зæрдæмæдзæугæ архайд. Таурæгътæ, æмдзæвгæтæ, кадджытæ æмæ рæсугъд аив дзырд. Сабиты сфæлдыстадæн хистæртæ цы аргъ кæнынц, уый агуырдтой жюрийы цæстыты. Бирæтæ абон сценæмæ фыццаг хатт рацыдысты. Фæлæ нæ фæтарстытсты æмæ архайдтой сæхи куыд хуыздæрæй равдысыныл. Сценæ кæй бауарзтой, уый та сæ ноджы тынгдæр разæнггарддæр кодта. Ацы конкурсы рæсугъддзинад æмæ цымыдисдзинад фылдæр хъомылгæнинагты цæттæдзинадæй аразгæ у. Кæд тæрсынц, уæддæр сæ тыхст не*вдисынц сывæллон - сывæллон у æмæ иу ран нæ ллæууынц. Фæлæ ерысты кæй архайынц, уый æмбаргæйæ сæ алкæй фæнды йæхи æппæттæй хуыздæр равдисын. «Мæлæн дын нæй, мæ фыдæлты æвзаг, Дæ зæронд мад у ацы зæххы къори». Хаджеты Таймуразы æмдзæвгæйы ацы рæнхъыты арф хъуыды ис. Нæ мадæлон æвзагыл дзурын æмæ архайын хъæуы. Уымæн та хорз фæрæз у абоны кадджын бæрæгбон дæр. Абоны чысыл архайджытæм кæсгæйæ, алкæйдæр ныфс бацæуы ныры кæстæртæ «Иры фидæн» кæй сты, уый. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv