«Æфсæйнаг» фæндыр

Абон дæр нæ цæст æрхæцыд Интернетæй ист зардæрухсгæнæн видеойыл. Ирыстоны фæсивæд аивадмæ æмхиц æмæ курдиатæй хайджын кæй сты, уый бæрæг у. Цæвиттон, кæмдæр йæ фæллад чи уагъта, уыцы лæппутæ æмæ чызджыты `хсæн разынд цæттæ артист. Бавдæлд, æмæ электрон тыхæй кусгæ хъармгæнæнæй, раст цыма фæндыр уыдис, афтæ `рцагъта аив фонограммæмæ гæсгæ. Йæ алыварс чи уыд, уыдон худæгæй бакъæцæл сты. Лæппу та сæ уынгæ дæр цыма нæ кодта, афтæ дардта йæхи. Нæ йæ зонæм, фæскадры кæй фонограммæ фыст у, уый, фæлæ йын йæ мелодикæ хæдахуыр артист уайтагъд ацахста æмæ дзы йе `мбæлтты бахъæлдзæг кодта. Йе уæнгты айст, йæ февнæлд ын чидæртæ суанг Гæздæнты Булатимæ дæр ма абарстой. Æмæ йæ кæд нæ номдзыд фæндырдзæгъдæгмæ нырма, куыд фæзæгъынц, ахæцын хъæуы, уæддæр лæппуйы арæхстдзинад феныны аккаг разынд. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv