СВЯЩЕННОМУЧЕНИК ИЕРЕЙ АЛЕКСАНДР КРУТИЦКИЙ.

Моя страница в ВК: https://vk.com/id630356924 #Православие, #Христианство, #житиясвятых, #РусскиеСвятые, #житиярусскихсвятых, #новомученики, #житияновомучеников, #новомученикииисповедникиРоссийские, #новомученикииисповедникиЦерквиРусской, #СвященномученикАлександрКрутицкий, #житиеСвященномученикаАлександраКрутицкого, #СвященномученикиерейАлександрКрутицкий Тропарь: И Бога избранник, и церкви Христовой служитель верен быв, во дни гонения безбожнаго душу свою за Христа положил еси и мучителей безумие кроткими глаголами обличил еси, священномучениче Александре, моли Христа Бога спастися душам нашим. Ин тропарь: Трудами первее ниву Христову возделал еси, последи волчцы и терние кровию своею потребил еси, боголюбием и кротостию горняго Царствия достигая, сам себе в жертву непорочну Богови уготовляя, новомучениче, Христов угодниче Александре, моли Пречистую спастися нам, почитающим Рождество Ея, осеняемым Покровом Ея и милостию Прославльшаго тя. Ин тропарь: Измлада, Александре, добрый Христов закон возлюбил еси, на служение Господу твердо встав, людям образом доброты и смиренного жития быв, за служение Богу верное от безбожных муку прияв, сострадательную душу свою Богови за правду предал еси, того ради тебе с верою возопиим: священномучениче Александре, моли Христа Бога и нам Ему верными быти до конца и спастися душам нашим. Кондак: Днесь звезда светлая озари Отечество наше, приидите боголюбцы, духовно возвеселимся, обретохом заступника усерднаго и молитвенника крепкаго сродника нашего священномученика Александра. Радуйся и веселися земле Щелковская, ликуй и утверждайся земле Русская, имаши бо ходатая на Небеси верна, воздвизающа люди на покаяние образом, и житием, и твердостию веры. Молися, отче, спастися нам.