«Дорога памяти» æппæтуæрæсеон акци

Цæгат Ирыстоны цæрджыты бон у, сæ хистæртæй Фыдыбæстæйы Стыр Хæсты чи архайдта, уыдоны ном сæнусон кæнын. Уымæн сын æххуыс у «Дорога памяти», зæгъгæ, æппæтуæрæсеон акци. Уый тыххæй хъæуы хæсты архайæджы хуызист сæрмагонд хайадмæ æрбаххæссын æмæ анкетæ баххæст кæнын. «Дорога памяти» у иугонд информацион базæ. Ныридæгæн сæ хъайтарты тыххæй радзырдтой 30 милуан адæймагæй фылдæр. Акцийы фæлгæты Фыдыбæстæйы Стыр Хæсты хъæбатырты портреттæ æмæ нæмттæ фенæн уыдзæн Уæрæсейы гæрзифтонг тыхты сæйраг аргъуаны. Мемориал байгом кæндзысты Уæлахизы бонмæ хæстæг. Проект саразынæн баххуыс кодта Уæрæсейы пост, æфсæддон комиссариттæ, æрыгон армионтæ æмæ бархионтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv