Цæгат Ирыстонмæ кусæг балцы ссыд Цæгат Кавказы федералон зылды Уæрæсейы президенты æххæстбарджын минæвар Юрий Чайка. Регионы разамонæг Сергей Меняйлоимæ æрдзырдта хъахъхъæнынадон-промышленнон комплексы куыстуæтты уавæрыл. Фембæлды рæстæг Юрий Чайка фæнысан кодта, федералон зылды куыстуæттæ, сæ хыгъды Цæгат Ирыстон дæр, санкциты аххосæй зындзинæдтимæ кӕй сæмбæлдысты. Бæлвырддæр та, фæстаг 10 азы фкъаддæр кондад, техникон мигæнæнтæ базæронд сты. Фæлæ, фаронимæ абаргæйæ, республикæйы уавæр фæхуыздæр. Сергей Меняйло куыд радзырдта, афтæмæй хъахъхъæнынадон-промышленнон комплексы иумæйаг хыгъдмæ хаст сты Цæгат Ирыстоны 13 куыстуаты. Се 'хсæн радиоэлектронон, рог промышленност æмæ металлурги.