Паддзахадон ансамбль «Алан»-ы бындурыл цы кафджыты студи куыста, уый уавæры тыххæй ног хабæрттæ

Паддзахадон ансамбль «Алан»-ы бындурыл цы кафджыты студи куыста, уый уавæры тыххæй ног хабæрттæ. Раздæр уын хъусын кодтам, уыцы студи кæй сæхгæдтой, уый. Цæй тыххæй - кæронмæ бæлвырд нæу. Ацы хъуыддаг дзырддаг сси адæмы ’хсæн. Кафджыты къорды архайджытæ æмæ сæ ныййарджытæ дзуапп бадомтой, иу æмæ дыууæ хатты æмбырдтытæ нæ сарæзтой. Кусджытæ та кæрæдзийы аххосджын кæнынмæ фесты. Фыццаджыдæр сæ фæнды, цæмæй студи дарддæр куса. Цæгат Ирыстоны культурæйы министр бахатыд ацы фарста райхалыны тыххæй æмæ абон адæмимæ фембæлд. Къордæн дарддæр архайыны фадат дæтты Металлургты культурæйы галуаны. Фæлæ ууыл ныййарджытæ æмæ студийы кусджытæ не'сразы сты. Куыд зæгъынц, афтæмæй уыцы ран æхсæнадон транспорт къуылымпытимæ цæуы, маршрутон такситæ та, дам, зынаргъ слæудзысты. Профилон министрады пресс-службæйы куыд æмбарын кæнынц, афтæмæй ансамблы бындурыл ныр гом кæнынц скъола, архайыны фадат дзы уыдзæн 16 азæй- 19 азы онг кæуыл цæуы, уыцы сывæллæттæн. Æмбырды архайджытæ баныхас кодтой ногæй фембæлын. Бæстонæй æрныхас кæнын фæнд кæнынц ансамблы аивадон разамонæг Тедеты Русланимæ дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv