Хорз адæймаджы юбилей

Профессор, зындгонд ахуыргонд, техникон наукæты дохтыр, Дзæуджыхъæуы технологон центр «Баспик»-ы разамонæг Хъулаты Сослан абон бæрæг кодта йæ 80-азы юбилей. Арфæйы ныхæстæ зæгъынмæ йæм æрбацыд республикæйы сæргълæууæг Битарты Вячеслав. Куыд фæбæрæг кодта, афтæмæй Хъулы-фырт хорз разамонæг æмæ уынаффæгæнæг у, йæ бон у ахсджиаг инвестицион проекттæ æххæст кæнын. Хъулаты Сослан йæ юбилейыл дæр куысты æмбæлы, кæны наукон иртæстытæ. Йæ зæрды ис, йæ размæ цы хæстæ сæвæрдта, уыдон æнтысджынæй сæххæст кæнын. Абон ма арæзт æрцыд чысыл æмбырд дæр. Æрдзырдтой дзы фидæны фæндтыл. Зæгъæм, «Баспик»-ы центры фæзындзæн ног сæрмагонд хайад. Йæ руаджы сæм фылдæр æрыгон специалисттæ хъуамæ фæзына. Сослан йæхæдæг куыд зæгъы, афтæмæй, нæ фидæн æнæ ног ахуыргæндтæ æмæ инженертæй мынæг у. «Сфидар ис æфсæддон тыхтæн хæцæнгарз уадзыны паддзахадон программæ. Нырма уал уыцы хæс æххæст кæндзыстæм 2027 азмæ. Нæ зæрдæ дарæм, нæ куыстуаты хъомыс 50 проценты кæй фæфылдæр уыдзæн, ууыл. Бакусæм 500 милуан сомы бæрц, фæнды та нæ 750 милуан сомы æфтиаг исын. Кусæм Америкæимæ æмæ æндæр бæстæтимæ. Фыссын ма бирæ чингуытæ. Уыдон дæр тагъд рæстæг фæуыдзынæн фыст», - загъы профессор, центр «Баспик»-ы генералон директор Хъулаты Сослан. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv