Алайнаг паддзах

Дзæуджыхъæуы байгом равдыст конкурсы хуызы. Йæ архайджытæ дзы адæмæн фенын кæндзысты алайнаг паддзах Ос-Бæгъатыры цыртдзæвæны эскизтæ. Мадзал арæзт у Аланийы дзуарæфтыды 1100 азы бæрæгбоны кадæн. Равдыст сарæзтой нывгæнджыты цæдисы хъæппæрисæй. Архайдтой дзы 17 адæймаджы, йæ экспонаттæ та баисты 21 скульптурон эскизы. Дыууæ къуыримæ сбæрæг кæндзысты хуыздæр куыстытæ. Уæлахиздзауты равзардзысты сæрмагонд къамисы уæнгтæ - наукон æмæ сфæлдыстадон интеллигенцийы уæнгтæ. Уæ зæрдыл уын æй æрлæууын кæндзыстæм, Ос - Бæгъатыр, тыхгæнæг тых кæмæн нæ ардта, ахæм алайнаг паддзах кæй уыдис. Цардис 13-14 æнусты. Иры ныфсытæ йемæ бастой. Йæ цард снывонд кодта мæгуыр адæмæн. Йæ кадыл хъуыды кæнгæйæ, нывгæнджыты Цæдис æмгуыст кæны, Ос-Бæгъатыры цырт саразыны тыххæй къухфыстытæ чи `мбырд кодта, уыцы иугæндтимæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv